على فكرة، القراءة دي حاجة سحريّة كده، تخيّل؟
لما بتقرأ، بتلاقي نفسك لازم تتفاعل مع اللي بتقرأه وعلى أساسه: تكتب هوامش، تخطط سطور، تكلّم واحد صاحبك ف اللي قرأته، تكتب عنه على الفيس أو تعمل ريفيو محترم على جود رييدز، أو حتى بمجرّد إنك ترمي كلمة أو تبتسم أو تشمئز أو تكتئب وإنت بتقرأ. طبعاً بتكلّم عن الكتاب القيّمة اللي فيها على الأقل جداً أكثر من فكرتين مهمّين. وفي أي حالة من دول –بالتأكيد- هتكون مستمتع!
لكن الأكيد إنك –دايماً- هتكتب.. سطر، نوت، مقال أو ممكن كتاب كامل تردّ بيه.
تعرف؟ القراءة عمليّة تفاعليّة جداً ولازم تدي فيها رد فعل شبيه بيها وشبيه بخامة المقروء. من الآخر: لازم هتكتب. لازم. حتماً مقضيّاً.
القراءة مش عمليّة استهلاكيّة بحتة.. دي مولد جديد. إنت نفسك هتحسّ إن فيه حاجة ناقصة لو خلصت كتاب من غير ما تكتب عنّه. لازم تتفاعل. لو إنت بتقرأ لترتقي يبقى إنت فاهم إنك بتعمل كده عشان تضيف لنفسك، للكون. الرقيّ سكته طويلة ولازم تدّي فيها عشان تكمّل، سكّة طويلة لكن ممتعة لو قدرت تداعب الشغف ده وتمسك في البهجة الصغيرة لتفاعلك مع الكتاب.
(ملاحظة: الBookmark بتاعتي أنا كتبت عليها: Read, Read and Read even more. اعمل كده.)
محمد الوكيل
A.M.Revolution
ليست هناك تعليقات:
إرسال تعليق